Wêreldwyd se Wêreldgids is waar jy eg Suid-Afrikaanse inkopies kan doen in jou omgewing. So eg Suid-Afrikaans soos sokkie in die skoolsaal en rugby-raai. Biltong, Ouma-beskuit, blatjang, hulp met finansiering, emigrasie, Suid-Afrikaanse prokureurs, restaurante en nog meer word gevind op die Wêreldgids van Suid-Afrikaanse besighede in die wye wêreld. Ondersteun mede-Suid-Afrikaners in jou omgewing.
Hierdie week val die kollig op Expat Explore Travel. Net omdat jy ’n streng begroting het, beteken dit nie dat jy nie kan reis nie, en Expat Explore Travel is die kenners op die gebied van bekostigbare reise.
Expat Explore is een van Europa se bestewaarde-toeroperateurs en ons bied al langer as 13 jaar bustoere onder kundige leiding wêreldwyd. Ons missie is om reis prettig, gerieflik en bekostigbaar te maak vir reisigers van dwarsoor die wêreld.
Ons het ’n verskeidenheid van meer as 60 reisplanne wat bestemmings dwarsoor Europa, Noord-Amerika, Afrika, Suidoos-Asië en die Midde-Ooste verken.
Carl Cronje en Jakes Maritz, twee uitgeweke Suid-Afrikaners wat in Londen woon, het Expat Explore Travel gestig in die gees van entrepreneurskap en ‘n brandende passie vir reis.
Hulle wou ’n maatskappy bou wat bekostigbare, gerieflike toere aanbied wat vir reisigers die beste moontlike waarde vir geld bied. Elke hotel en restaurant word deeglik gekeur en elke toer word fyn beplan om niks minder nie as ’n een-keer-in-’n-leeftyd-reisbelewenis te bied.
Ons bied verbasend lae pryse aan en jy hoef nie alles te betaal wanneer jy bespreek nie – ’n 10%-deposito bevestig jou sitplek, en alle vertrekdatums word gewaarborg.
Jy gaan die reis van jou lewe ervaar!
