As jy al ooit gewens het dat jy in ’n tydmasjien kon klim en ’n reis deur tyd kon neem, dan is die nuwe bordspeletjie TydToer net vir jou bedoel. Toets jou kennis oor nagenoeg 600 jaar se Suid-Afrikaanse én internasionale geskiedenis met TydToer. In dié speletjie moet spelers ’n korrekte tydlyn opstel van gebeure vóór jou opponente jou voorspring! Dié Afrikaanse bordspeletjie bevat 215 kaarte en 30 Krugerrande (waarmee spelers mekaar se kaarte kan koop). TydToer-kaartjies sal jou kennis tot die uiterste toets in sewe verskillende kategorieë, naamlik ontdekkings en uitvindings; oorloë en konflik; kuns en kultuur; geskiedenis en politiek; natuur en gebeure; sport; en algemeen.
Weet jy wanneer bikini’s die eerste keer ontwerp is; wanneer Chris Barnard die eerste hartoorplanting gedoen het; of in watter jaar die televisiediens in Suid-Afrika begin het? Miskien kan jy onthou of die Groot Trek vóór of ná die Franse Revolusie plaasgevind het, en of die eerste Coca-Cola-koeldrank reeds vóór die Anglo-Boereoorlog te koop was. Terwyl jy hieroor kopkrap, besoek gerus Kraal se aanlyn winkel hier en bestel jou TydToer-bordspeletjie vandag nog teen slegs R350.
