Kastaiingbruin tot donkerbruin swartwitpenskoeie en jongelinge (Hippotragus niger) wei by die Silolweni-rivier, suid van die Tshokwane-piekniekplek in die Nasionale Krugerwildtuin. Die dominante koei terroriseer die ander met haar lang horings tot hamerkoppe (Scopus umbretta) hulle laat skrik en hulle laat spaander.
Swartwitpense is een van die groter bokspesies in Afrika, met bulle wat sowat 235 kg. (518 lb.) en koeie wat ongeveer 220 kg. (490 lb.) weeg. Die gemiddelde lewensduur van ’n swartwitpens is 19 jaar in die natuur en 22 jaar in gevangenskap.
Die beeldmateriaal is andermaal deur Katie en André van Two-V Productions voorsien. Hartlik dank aan hulle hiervoor! Teken asseblief in op hulle YouTube-kanaal en volg hulle Facebookblad. Boeke in hulle Op Vlerke-reeks kan van Kraal Uitgewers bestel word en is eersdaags ook weer in die winkels in ruskampe van die Nasionale Krugerwildtuin beskikbaar. Dit sluit die vierde boek in die reeks wat onlangs verskyn het, in.
