Deur Natasha Viljoen
Dit kan ’n verfrissende ondervinding wees om jou kinders saam op reis te neem, maar die werklike avontuur vir ons is om durende herinneringe vir die hele gesin te skep. Omsigtige beplanning is noodsaaklik om ’n seepglad, genotvolle reis te verseker. Hier onder is ons tien beste beplanningswenke om jou gesinsvakansie onvergeetlik te maak.
1. Vroeë beplanning is die sleutel
Begin jou reis vroegtydig beplan. Doen navorsing oor gesinsvriendelike eindbestemmings, verblyf en aktiwiteite. Bespreek vlugte en verblyf vroeg, want dit verseker nie net beskikbaarheid nie, maar gee jou geleentheid om die voordeel van korting op vroeë besprekings te benut.
2. Pak strategies in
Skep ’n omvattende inpaklysie vir elke lid van die gesin deur die eindbestemming se klimaat en aktiwiteite in ag te neem. Moenie noodsaaklikhede soos medisyne, babavoorraad en gemaksitems vergeet nie. Wanneer jy jou tasse vir die reis pak, moet jy sekermaak dat jy versnaperings, vermaak en ’n ekstra stel klere binne maklike bereik het.
Lees ons artikels Essential packing guide, Snack time in the skies en High-flying fun vir meer oor dié onderwerpe.
3. Kies kindervriendelike verblyf
Kies verblyf wat aan die behoeftes voldoen van gesinne wat met kinders reis. Kyk uit vir hotelle of vakansieplekke met kindervriendelike fasiliteite soos speelplekke, swembaddens en vermaakopsies. Maak seker dat die verblyf sentraal geleë (sodat jy aantreklikhede maklik kan bereik) en – as jy ’n stadsbesoek onderneem – naby aan openbare vervoer is.
4. Beplan ouderdomsgepasde aktiwiteite
Beplan jou reisprogram sodat dit die ouderdom en belangstellings van jou kinders in ag neem. Sluit ’n mengsel van interaktiewe en opvoedkundige aktiwiteite is, asook ’n bietjie aftyd. Ons het gevind dat dit ons kleuter deur die dag gelukkig hou as sy ’n tyd lank op ’n speelgrond speel, wat vir ons almal ’n goeie dag verseker. Kyk uit vir gesinsvriendelike aantreklikhede, parke en museums by jou eindbestemming.
5. Beplan vir ruskanse en aftyd
Kinders het tyd nodig om te rus en hul batterye te herlaai. Skeduleer aftye deur die dag vir ’n slapie of stiller aktiwiteite. Beplan aktiwiteite in die oggend, wanneer kinders tipies meer energiek is, en gebruik middae vir ontspanning. Maak seker dat jy jou tyd wys gebruik as jou kinders ’n uiltjie knip. Vir ons is dit soms ’n besoek aan ’n restaurant vir ’n rustige middagete; ander kere gebruik ons die tyd om ’n aantreklikheid te besoek wat haar moontlik sou verveel.
6. Vermaak op die roete
Vermaak jou kinders met ’n verskeidenheid van aktiwiteite terwyl julle op reis is. Ons is mal daaroor om ’n toiletsakkie om alles bymekaar en georganiseerd te hou. Pak inkleurboeke, speletjies en elektroniese toestelle in wat vol kindervriendelike inhoud gelaai is. Oorweeg dit om oorfone saam te neem sodat jy medereisigers in ag neem.
Lees ons artikel High-flying fun vir meer inligting oor dié onderwerp.
7. Wees bedag op etenstye
Hou so ver moontlik by jou kinders se eetskedules. Bekende kosse kan ook vertroostend wees, so verken plaaslike disse terwyl jy ook ’n paar bekende versnaperings in jou rugsak het. Doen vooraf navorsing oor kindervriendelike restaurante by jou eindbestemming.
Lees ons artikel Snacktime in the skies vir meer inligting oor dié onderwerp.
8. Veiligheid kom eerste
Prioritiseer jou kinders se veiligheid deur altyd te verseker dat hulle identifikasie-inligting aan hulle dra. ’n Handige wenk is om jou kind in ’n kleur aan te trek wat jy maklik in ’n skare sal kan uitken. Raak vertroud met die plaaslike nooddienste en gesondheidsfasiliteite voordat reis.
9. Betrek jou kinders by die beplanning
Betrek jou kinders by die reisbeplanning reeds van ’n vroeë ouderdom af. Bespreek moontlike aktiwiteite en eindbestemmings, en laat hulle toe om ’n sê in die reisprogram te hê. Dit verseker nie net opgewondenheid nie, maar verseker ook dat die reis hul belange in ag neem.
10. Aanpasbare reisprogram
Wees bereid om aanpasbaar te wees. Kinders kan onvoorspelbaar wees en dit is noodsaaklik om waar nodig jou planne aan te pas. Laat soms spontane oomblikke toe en vlieg saam met die swerm om die reis vir almal aangenaam te maak.
Ons hoop dat hierdie wenke jou kan help om ongelooflike reise saam met jou gesin te beplan, terwyl jy ook hope pret het en durende herinneringe skep.
Meer oor die skrywer
“Ons familie bestaan ek, my man, Robert, en ons driejarige dogter, Amber. Ons is passievol oor reis en ons maak ons kind groot om ’n wêreldburger te wees. Ons hou ook daarvan om ons reise en raad met ander te deel op ons blog by www.viljoen-adventures.com of ons Instagram-profiel viljoenadventuresblog. Ons het die blog spesifiek begin om ons verhale te deel.
Ons is oorspronklik van Johannesburg. Ons het reeds vroeg in ons huwelik ’n passie vir reis ontwikkel. Toe die geleentheid hom voordoen dat ons in Europa kon kom werk, het ons besluit dat Nederland die ideale plek sou wees om dié passie uit te leef, want dit is so sentraal.”
– Natasha Viljoen
Foto: Getty Images/ Unsplash
