In die hartjie van Vendaland, sowat 65 km suidwes van Musina, staan die Segole-kremetart, die grootste lewende kremetart ter wêreld (gemeet aan sy volume), volgens die Guinness Rekordboek. Segole is ’n Afrika-kremetart (Adansonia digitata). Dit is een van sewe soorte kremetart waarvan ses natuurlik in Madagaskar voorkom en een eie is aan die noord-weste van Australië. Die Segole-bielie is al nagenoeg 1 200 jaar oud en was al daar in die tyd wat Charlemagne keiser van die Romeinse Ryk geword het, Dublin deur die Vikings gestig is en papier vir die eerste keer in China gebruik. Segole was ook al nagenoeg twee eeue oud toe die magtige Mapungubwe-koninkryk in die verre noorde van die teenswoordige Limpopo-provinsie tot stand gekom het. Dié oerboom het ’n omtrek van nagenoeg 37 m, strek sowat 22 m in die lug en sy blarekroon is sowat 38 m wyd. Volgens die Guinness Rekordboek het die Segole-kremetart ’n geraamde bogrondse massa van 54 ton – ’n regte bielie van ’n oeroue boom!
Erfenisjuwele 2 – Bethlehem Museum
Deur Alana Bailey In AfriForum se reeks Erfenisjuwele werp ons die lig op erfenisbakens in die land waar gemeenskappe self inspring om ons unieke kultuurhistoriese nalatenskap te bewaar. In hierdie aflewering besoek ons Bethlehem Museum in die pragtige Vrystaat. Ons...