AfriForumTV is ’n aanlyn platform waarvandaan kykers Afrikaanse inhoud van verskeie genres kan stroom. Dit bied ook ’n verskeidenheid kanale vir uiteenlopende smake wat jy met gemak op jou TV en slimtoestel kan geniet.
Kykgenot in Oktobermaand op AfriForumTV:
De Kleine Griet
De Kleine Griet is ’n skreeusnaakse reeks gevul met baie vermaak. Dit speel af in die 1600’s met Charlie Bougenon wat die hoofkarakter vertolk as kaptein Wim van der Vaart op sy skip.
Begrond
’n Plaasmoord ruk ’n gemeenskap en familie tot stilstand en dwing die jong Faan Venter om terug te keer na die plek waar sy geliefde oupa vermoor is. Sy terugkeer na die plaas krap wonde oop van woede oor die moord, misdaad, korrupsie en die verval van die land. Faan is wanhopig oor sy toekoms in Suid-Afrika, maar antwoorde op sy vrae oor die toekoms kom vanuit ’n onverwagte oord – uit die verlede, soos vertel deur sy grootouma, Katryn.
Die Aitsas
Tydens die Aitsa- nasionale toekenningsgeleentheid word kunstenaars, liedjieskrywers, lirieke en produksies vereer. Van die land se beste Afrikaanse kunstenaars tree tydens die geleentheid op en van die grootste platemaatskappye is betrokke en word op die Aitsa-bestuur verteenwoordig.
Die inskrywings is deur ’n paneel kundiges in die musiekbedryf beoordeel. ’n R10 000-kontantprys, asook ’n trofee wat spesiaal vir die Aitsas ontwerp is, sal in elke kategorie op die spel wees.
Die Aitsas het van die begin af ten doel gehad om ’n onafhanklike geleentheid te skep waartydens die room van die rolspelers in die Afrikaanse musiekbedryf op grond van hulle uitmuntende prestasie beloon kan word.
Die nominasies vir die Aitsa-toekennings is nou op AfriForumTV beskikbaar. Stem vir jou gunsteling in elke kategorie deur www.pretoriafm.co.za te besoek.
