Leesvordering:

Dubbele burgerskap: Wat is die voorwaardes?

Mei 4, 2022

Dit is moontlik vir Suid-Afrikaanse burgers om dubbele of veelvuldige nasionaliteitete verkry.

Die Wet op Suid-Afrikaanse Burgerskap (Nr. 88 van 1995) het in 1995 in werking getree. Die “Wet” en sy talle wysigings sit burgerskapregte uiteen in ooreenstemming met die Grondwet van die Republiek van Suid-Afrika.

Die Wet neem ‘n liberale houding in wat dit vir Suid-Afrikaanse burgers moontlik maak om dubbele of veelvuldige nasionaliteite te verkry, onderhewig aan sekere voorwaardes.

Die eerste bepaling hou verband met die feit dat enige Suid-Afrikaanse burger (buiten minderjariges) wat ander burgerskap verkry het nadat die Wet in werking getree het, moet aansoek doen vir die behoud van sy/haar Suid-Afrikaanse burgerskapstatus. As hierdie proses nie gevolg word nie, sal só ‘n persoon outomaties sy/haar Suid-Afrikaanse burgerskapstatus ingevolge artikel 6(2) van die Wet verloor.

As daardie person ‘n gebore Suid-Afrikaner is, sal hy/sy nie verblyfreg verloor nie, maar slegs die reg op Suid-Afrikaanse burgerskapstatus.

In so ‘n geval kan daardie persoon in ‘n latere stadium aansoek doen vir ‘n hervatting van sy/haar Suid-Afrikaanse burgerskapstatus as hy/sy permanent in Suid-Afrika woon.

As daardie persoon ander burgerskap verkry het voordat die Wet in 1995 in werking getree het, moet hy/sy aansoek doen om vrystelling van die verlies van Suid-Afrikaanse burgerskapstatus ten einde sy/haar Suid-Afrikaanse burgerskapstatus te beskerm.

Vir al die bogenoemde stappe moet ‘n reeks administratiewe aansoeke by die departement van binnelandse sake ingedien word.

As jy graag meer wil weet oor hierdie prosesse of as jy hulp nodig het met die verwerking van sodanige aansoeke, gaan na http://www.immigration.org.za/ en voltooi die gratis burgerskap; ons sal jou vinnig antwoord.

Ons stel voor dat jy ‘n prokureur wat in hierdie spesifieke regsveld spesialiseer, raadpleeg voordat jy ander burgerskap verkry om jou regte te verseker.

Indien jy nie jou Suid-Afrikaanse burgerskapstatus wil behou nie, kan jy bloot voortgaan met die verkryging van ‘n ander paspoort en die bepaling van jou status. Dit sal bevestig dat jy as Suid-Afrikaans gebore burger jou reg op Suid-Afrikaanse burgerskapstatus verloor, maar permanente verblyfreg behou.

Jy sal jou identiteitsdokument moet verander na ‘n nie-Suid-Afrikaanse identiteitsdokument. Jy word dan ‘n permanente inwoner met al die regte van ‘n burger buiten stemreg.

Slegs twee beperkings is in werklikheid van toepassing op dubbele of veelvuldige paspoorthouers:

  • Suid-Afrikaanse burgers wat houers is van ander paspoorte moet Suid-Afrika, in ooreenstemming met internasionale beste praktyk in hierdie verband, met hul Suid-Afrikaanse paspoorte binnegaan en verlaat.
  • Suid-Afrikaanse burgers wat houers is van ander paspoorte mag nie hul buitelandse paspoorte gebruik om aanspraak te maak op enige voordele in Suid-Afrika (byvoorbeeld om BTW terug te eis) nie, want daar is ‘n verbod op die eis van voordele waarop hulle normaalweg nie as Suid-Afrikaanse burgers geregtig sou gewees het nie.

Alle navrae kan gerig word aan enquiries@immigration.org.za.

Meer oor die outeur

Julian Pokroy

Julian Pokroy Prokureurs: Spesialis in wetgewing oor immigrasie, burgerskap en vlugtelingskap.

Soek

Volg ons op

Moet lees artikels

Onthou helde soos Totius vandag op Taaldag

Onthou helde soos Totius vandag op Taaldag

Deur Alana Bailey Op 14 Augustus 1875 is die Genootskap van Regte Afrikaners (GRA) in die Paarl gestig. Dit was die eerste amptelike poging om Afrikaans as volwaardige gebruikstaal op alle vlakke te vestig. In latere jare het die datum as Afrikaanse Taaldag begin...

Maroela Media: Nuushooftrekke van die week

Maroela Media: Nuushooftrekke van die week

Deur Suné van Heerden Maroela Media is ’n Afrikaanse internetkuierplek waar jy alles kan lees oor dit wat in jou wêreld saak maak – of jy nou in Suid-Afrika bly, of iewers anders woon en deel van die Afrikaanse Maroela Media-gemeenskap wil wees. Saai gryp in by...

Uit en tuis: ’n e-pos uit Ierland

Uit en tuis: ’n e-pos uit Ierland

Uit en tuis is ’n rubriek waar ons met mense gesels wat tans in die buiteland woon, of wat daar gewoon en gewerk het. Hierdie week gesels ons met Kirsten Mocke wat tans saam met haar man in Ierland woon. Kirsten vertel ons meer van hul emigrasieproses en hulle lewe in...

Nuusbrief

Kontak ons

Maak 'n donasie

Wêreldwyd vriende

Jeugblad

Jy sal ook dalk hiervan hou…

Teken in op die Kollig-nuusbrief en bly betrokke

Nuusbrief/Newsletter

Jy het suksesvol ingeteken!

Pin It on Pinterest