Dit is Kersfees! Ons mense is regoor die wêreld versprei, en met die COVID-19-pandemie is dit nóg moeiliker as gewoonlik om die feesseisoen saam met familie te spandeer. Met baie Suid-Afrikaners gestrand in ander lande, of wat bloot bang is om te reis uit vrees vir verdere inperkings, gee Wêreldwyd wenke en idees om jou te help om die feestyd te oorleef en elke sekonde saam met jou familie en vriende te geniet.
Ons het beloof dat die laaste nuusbrief van 2021 ’n spesiale Kersbrief gaan wees. Dankie aan al die vriende wat hulle Kerservarings in die buiteland met ons deel.
Veral dankie aan almal wat in 2021 bygedra het tot Wêreldwyd se sukses. Dankie vir elkeen wat ons nuusbrief ontvang, webtuiste besoek of van ons Facebook-blad gehou het, ons op Twitter en Instagram gevolg het, vir elke e-pos en elke stukkie kommentaar. Nog bydraes is altyd welkom! Dit was vir ons so ’n voorreg om julle te leer ken en ons sien uit na nog meer kuiertyd in 2022.
Ons hoop dat 2022 vol verrassings is en om nog meer nuttige inligting, nuus en lekkerleesbydraes aan julle te bied.
Mag Christus die middelpunt van julle feesvierings wees dié Kersfees. Voorspoedige nuwe jaar en mag 2022 ’n jaar van nuwe hoop wees, gevul met liefde, vreugde en meer tyd vir mekaar.
Groete die Wêreldwyd-span
