Die Wêreldgids is ’n netwerk wat uit Suid-Afrikaanse ekspats en hul ondernemings bestaan, en help Suid-Afrikaners om tuis te voel in ’n nuwe omgewing. Elke week kies die AfriForum Wêreldwyd-span een van die ondernemings wat in die Wêreldgids gelys is om in die Kollig te verskyn. Hierdie week raak ons weg in die strate van Parys.
Dié week se onderneming in die Kollig is Jozi Café – van Jozi tot Parys.
As baristas streef ons daarna om vir jou die heel beste espresso en filterkoffie te bied. Ons is in die hartjie van die lewendige Latynse area geleë. Op ons spyskaart is ’n verskeidenheid spesialiteitkoffies, fantastiese tees, vars sappe en handgemaakte gebak. Ons het ’n ontbytspyskaart en ’n middagetespyskaart.
Jozi Café is gratis op Wêreldwyd se Wêreldgids gelys. Dié gids stel mense in staat om Suid-Afrikaanse ondernemings in die buiteland te ondersteun.
Die Wêreldgids is waar Suid-Afrikaanse ondernemings van regoor die wêreld bymekaarkom om ’n gemeenskap te vorm. Tans beskik die Wêreldgids oor meer as 1 000 ondernemings, van Afrikaanse dokters in Nieu-Seeland tot biltongwinkels in Londen.
Netwerke is meer as net ondernemings; dit is ook ’n waardevolle wyse om ’n ondersteuningsbasis te bou vir daardie dae wanneer die verlange na ’n goeie Suid-Afrikaanse wyn, kuier om ’n braaivleisvuur en die onmisbare Afrikaner-gasvryheid te veel raak.
