Leesvordering:

REPATRIASIE: ALGEMENE VRAE

Apr 29, 2020

In reaksie op die verspreiding van die COVID-19-pandemie en president Cyril Ramaphosa se afkondiging van ’n ramptoestand, het reeds meer as 4 000 Suid-Afrikaners laat weet dat hulle gestrand geraak het en hulp benodig om na Suid-Afrika terug te keer. Die oorgrote meerderheid is gestrand as gevolg van die inperkings wat in baie lande aangekondig is en die byna algehele beëindiging van vlugte.

Vraag: Waarom lyk dit asof dit makliker is om burgers van sommige lande af te repatrieer as van ander?

Antwoord: Inperkings beteken dat lande geen lugdienste toelaat om na of uit die land te vlieg, behalwe as spesiale toestemming vir repatriasie aan hulle verleen is nie. Dit duur baie lank om finale goedkeuring te verkry en heelwat onderhandelings moet in die proses deur ons missies in die buiteland plaasvind.

Vraag: Word Suid-Afrikaners wat gerepatrieer word getoets voordat hulle aan boord gaan?

Antwoord: Tydens die huidige Covid-19-inperkings word alle Suid-Afrikaners in die buiteland aan toetsing onderwerp voordat hulle aan boord van enige vlug mag gaan. Suid-Afrikaners wat simptomaties is, mag nie reis nie en sal onderworpe aan die gesondheidsvereistes van die gasheerland wees. Hierdie maatreëls is in ooreenstemming met die riglyne van die Wêreldgesondheidsorganisasie (WGO).

Vraag: Wie betaal vir die repatriasie en die kwarantyn?

Antwoord: Daar word van alle Suid-Afrikaners wat gerepatrieer word verwag om ’n tarief waarop ooreengekom is, te betaal. Betalings word gedoen voordat ’n sitplek toegeken word. Ingevolge die huidige regulasies, moet elke passasier ook vir ’n minimum van 14 dae in kwarantyn bly op ’n terrein wat deur die staat aangewys word.

Vraag: Wat behels die proses wanneer Suid-Afrikaners in Suid-Afrika aanland?

Antwoord: Toetsing word gewoonlik aan boord deur Port Health gedoen voordat die vliegtuig verlaat word. Sodra die immigrasie-owerhede toestem, word passasiers vir die kwarantynperiode van 14 dae na die vasgestelde plek van verblyf begelei.

Vraag: Kan Suid-Afrikaners deur die landsgrensposte na Suid-Afrika terugkeer?

Antwoord: Suid-Afrikaners het al en sal weer toegelaat word om tydens die ramptoestand vanaf buurlande deur landsgrensposte na die land terug te keer in ooreenstemming met die goedgekeurde regulasies van die departement van binnelandse sake om te verseker dat hulle wel Suid-Afrikaners is.

Vraag: Behalwe vir diegene wat vanaf Ethiopië, Ghana, Namibië, Nigerië en Angola gerepatrieer is, was daar enige ander repatriasievlugte uit ander Afrika-lande?

Antwoord: Baie Suid-Afrikaners het ook deur landsgrensposte teruggekeer.

 

Bron: Die departement van internasionale betrekkinge en samewerking (DIRCO)

Kontak DIRCO:

Bevelsentrum:
+27 12 351 1754
+27 12 351 1756

Cicc1@dirco.gov.za of
Cicc2@dirco.gov.za

Meer oor die outeur

Wêreldwyd

Volg ons op

Moet lees artikels

Hartseer oor ons taal

Hartseer oor ons taal

Ek geniet Wêreldwyd se nuusbrief. Dis net tragies dat so baie van ons Suid-Afrikaners ons tuiste in die buiteland moes maak weens omstandighede. Ons is woon nou al meer as 28 jaar in Nieu-Seeland. Ek was ’n paar keer terug om familie en vriende in Suid-Afrika te...

Tussen hier en daar

Tussen hier en daar

Johan Nortje Die polisiestasie se landsvlag hang halfmas. Teen die muur is 'n bord wat aandui dat slegs polisievoertuie binne mag parkeer. En net ingeval enigiemand gewonder het of dit dalk 'n breë vertolking van die instruksies is, is 'n losstaande waghuis pas tot...

OPE BRIEF AAN MY LANDGENOTE

OPE BRIEF AAN MY LANDGENOTE

Hendrika Jooste Ons staan op die vooraand van die bekendstelling van ons immigrasieboek se internasionale weergawe en die knop in my keel is trane wat net wil-wil kom. Met ons eerste immigrasieboek het ons net op ons Suid-Afrikaanse landgenote gefokus, maar as gevolg...

Nuusbrief

Kontak ons

Maak 'n donasie

Wêreldwyd vriende

Jy sal ook dalk hiervan hou…

Pin It on Pinterest