Hiermee die nuutste leesgenot vir die jongspan:
- Best Books Lees en kyk met begrip: GR 7 AFR EAT
Die Lees en kyk met begrip-reeks vir die senior fase bied splinternuwe KABV-gerigte geskrewe en visuele tekste om leerders se leesbegrip te help versterk. Eerste Addisionele Taal-leerders in graad 7 sal aanklank vind by die inhoud, wat met sorg uitgesoek is om aan te sluit by hul ervaringswêreld en taalvermoëns. Materiaal wissel van artikels en berigte tot advertensies, strokiesprente, en opsommings. ’n Memorandum met antwoorde op die vrae is ná publikasie beskikbaar by bestbooks.co.za. Vind meer uit
Laai gratis Memorandum hier af
- Best Books Lees en kyk met begrip Graad 8 AFR EAT
Die Lees en kyk met begrip-reeks vir die senior fase bied splinternuwe KABV-gerigte geskrewe en visuele tekste om leerders se leesbegrip te help versterk. Eerste Addisionele Taal-leerders in graad 8 sal aanklank vind by die inhoud, wat met sorg uitgesoek is om aan te sluit by hul ervaringswêreld en taalvermoëns. Materiaal wissel van artikels en berigte tot advertensies, strokiesprente, en opsommings. Vind meer uit
Laai gratis Memorandum hier af
- Best Books Lees en kyk met begrip: Graad 9 AFR EAT
Die Lees en kyk met begrip-reeks vir die senior fase bied ’n skat van splinternuwe KABV-gerigte geskrewe en visuele tekste om leerders se leesbegrip te help versterk. Eerste Addisionele Taal-leerders in graad 9 sal aanklank vind by die inhoud, wat met sorg uitgesoek isom aan te sluit by hul ervaringswêreld en taalvermoëns. Materiaal wissel van artikels en berigte tot advertensies, strokiesprente, en
opsommings. ’n Memorandum met antwoorde op die vrae is ná publikasie beskikbaar by bestbooks.co.za. Vind meer uit
- In die Nimmer-Immer-Bos
Reis saam na die Nimmer-Immer-Bos, waar ‘n wêreld van stories wag! Hier is sestig tydlose verhale, byeengesoek en oorvertel deur Linda Rode, sprokiesliefhebber en skepper van immergroen bundels soos Goue lint, my storie begint en Stories vir die vaak. Fiona Moodie (veral bekend vir Fynbosfeetjies en Vetplantfeetjies, saam met Antjie Krog) se illustrasies is handgeverfde droënaaldetse en maak van die boek ‘n kunsskat om te waardeer en te bewaar. Vind meer uit
- Hoe gril ek nou!
Van ’n teddiebeer wat lewend word, tot ’n snotmonster wat ’n koshuis terroriseer en ’n spookmeisie wat in die middel van die nag in jou oor fluister. Hierdie bundel bevat 11 naelkou-lekker kortverhale deur twee skrywers wat presiés weet hoe om al die hare op jou kop regop te laat staan. Die laaste storie is boonop ekstra spannend en onvoorspelbaar, aangesien dit as ’n aflosverhaal geskryf is – een hoofstuk elk, afwisselend deur hierdie twee grilverhaal-meesters.Vind meer uit
- Die hond met die stert sonder swaai
Jakkals word wakker met ‘n stert wat nie wil swaai nie. Is sy dalk siek? Kan ‘n hond se stert net skielik breek? Haar mense is bekommerd, maar dis Lolliepop, Jakkals se beste maat, wat raai wat fout is. Hulle twee swem mos graag in die dam, waar Jakkals duik en rol soos ‘n wafferse walvis. Al wat Jakkals nodig het om beter te word, is iemand wat verstaan, soos Lolliepop! Vind meer uit
- Speurhond Willem in die Amasone
Die aartsskelm Brummel is weer op vrye voet, en op die spoor van ‘n sampioen wat in die Amasone groei en glo ‘n wonderkrag het: die mens wat dit eet, raak net slimmer en slimmer. Die avonturier William Travis wil dit eerste vind, maar vir weke het niemand van hom gehoor nie. Het die oerwoud hom ingesluk? Dis immers vol gevare: anakondas, poemas, krokodille . . . Brummel besluit hy’t hulp nodig, en wie beter om aan sy kant te kry as die slimste hond op Aarde?
- Die onsigbare kind: ‘n Moemin-storie
Almal is welkom in die Moevallei. Wanneer Tjoek-Tjoek dus met ’n buitengewone, onsigbare besoeker by die Moehuis opdaag, probeer almal hul bes om haar tuis te laat voel. Dit is egter nie so maklik om ’n verskrikte dogtertjie wat heeltemal verdwyn het, weer sigbaar te maak nie. Moemamma is oortuig sy het net die regte resep om vir Nini te help. Maar miskien is die beste medisyne die manier waarop die Moegesin almal met liefde en verdraagsaamheid behandel.
Foto: johnny-mcclung-unsplash
