Wêreldwyd se Wêreldgids bring Suid-Afrikaners in die buiteland bymekaar om ’n netwerk te skep wat werk. Ondersteun ondernemings in jou omgewing wat deur Suid-Afrikaners besit word.
Elke week kies Wêreldwyd een van die ondernemings op die Wêreldgids om in die kollig te verskyn. Hierdie week se onderneming in die Kollig is Nederkaans in Nederland.
Meer oor Nederkaans
Nederkaans is ’n Suid-Afrikaanse handelsmerk wat die toonbeeld van styl en gehalte is. Hulle verkoop klere, handsakke, plekmatjies, tafellopers en huisversierings. Al hul ontwerpe is kreatief en verantwoordelik met ’n goeie skeut sonnige, Suid-Afrikaanse houding daarby.
Missie
Entoesiasme, optimisme en beskeidenheid is die kern van die handelsmerk se filosofie. Hierdie positiewe waardes word weerspieël in elke deel van die ontwerp- en vervaardigingsproses, van die verkryging van materiale tot die verantwoordelike produksieproses. Nederkaans wil die beste Suid-Afrikaanse handelsmerk met ’n uitstekende pryswaarde in Nederland wees. Hulle neem markneigings oor kleur, vorm en die gehalte van materiale in ag, en omskep produkte tot ’n modieuse, gemaklike Nederkaans-styl.
Ontmoet die eienaar
Maronel het in 2017 van Suid-Afrika na Nederland verhuis. Ná amper twee jaar in dié pragtige land het sy besluit om ’n Suid-Afrikaanse winkel oop te maak. Haar passie is om te ontwerp en dit is ’n groot deel van haar onderneming. Kontak haar gerus by nederkaans@gmail.com vir enige verpersoonlikte ontwerp.
Besoek Nederkaans se Facebook-blad hier.
Besoek Nederkaans se profiel op die Wêreldgids hier.
Suid-Afrikaanse ondernemings lê ons na aan die hart. Lys nog vandag jou onderneming op Wêreldwyd se Wêreldgids, en maak gebruik van hierdie wonderlike netwerkgeleentheid.
Lys jou onderneming hier.
