Leesvordering:

Natuurhoekie – Olifantkalfie verken die Olifantsrivier

Nov 6, 2020

Two-V Productions se André en Kate plaas gereeld video’s van hulle ontmoetings met natuurlewe tydens hulle besoeke aan die Krugerwildtuin.

Hulle skryf: “Tydens een van ons besoeke het ons hierdie baba-olifantjie en haar ma raakgeloop. Sy was baie huiwerig om haar ma in die water te volg by die brug oor die Olifantsrivier en het ’n paar keer gefrustreerd omgedraai. Eers is sy na ’n rotsagtige deel van die oewer geneem wat sy moes oorsteek voordat sy die water bereik het, alles deel van haar leerkurwe. Die beweging van haar slurpie en haar liggaamstaal vertel van haar inspanning. In ’n stadium het haar aandag ook afgedwaal en het sy ’n bontkwikkie verjaag. Kort daarna het ’n ander olifantkoei met ’n ietwat groter kalf opgedaag, waarna die kleintjie haar ma vinnig moes volg. Kyk hoe die kleintjie haar pote optel en haar stert lig, aanvanklik nie baie gelukkig nie, maar later groei haar selfvertroue en kan ’n mens sien dat sy die ervaring geniet.”

Al die geluide wat julle in hierdie en André en Kate se ander video’s hoor, is die oorspronklike klanke. Teken gerus in op hulle YouTube-kanaal, Two-V Productions en gaan hou van hulle Facebookblad [https://web.facebook.com/OpVlerke]. Boeke in hulle Op Vlerke-reeks kan van Kraal Uitgewers bestel word [https://www.kraaluitgewers.co.za]. Dit is ook by die winkels in ruskampe van die Krugerwildtuin te vinde. Let wel dat die boeke slegs in Afrikaans beskikbaar is.

Meer oor die outeur

Wêreldwyd

Soek

Volg ons op

Moet lees artikels

Dapper Media 2021

Dapper Media 2021

Deur Jeske van der Walt 2020 is verby en in ons truspieëltjie. Ons is dankbaar vir alles wat ons as span verlede jaar bereik het; vir al die harde werk, vasbyt, oëtoeknypoomblikke, genade, ondersteuning en saamwerkgeleenthede. Ons het in 2020 baie geleer en gegroei en...

Natuurhoekie – Die kordaat seekoeikalfie

Natuurhoekie – Die kordaat seekoeikalfie

Tydens ’n besoek van Two-V Productions se André en Kate aan die Krugerwildtuin het hulle hierdie seekoeikalf raakgeloop wat ’n waterbokbul by die Mesteldam naby Numbihek gejaag het. Die volgende oggend het Kate en André teruggegaan na die dam toe ... en daar was die...

Boekresensie: Emigreer of bly

Boekresensie: Emigreer of bly

Emigreer of bly is ’n vraag wat jy dalk al in jou kop gehad het of wat iemand jou al gevra het. Ek onthou in ’n onderhoud vir ’n vorige pos het dié vraag in die onderhoud opgekom, ek was nog altyd die "wat jy dink die beste vir jou is op ’n spesifieke tyd" persoon en...

Nuusbrief

Kontak ons

Maak 'n donasie

Wêreldwyd vriende

Jy sal ook dalk hiervan hou…

Pin It on Pinterest