deur Marinda Engelbrecht
Vinnige, maklike en lekker Kondensmelk – melkkos.
Bestanddele
1 blikkie kondensmelk
500 ml warmwater
1 liter volroommelk
250 ml koekmeel
125 ml sagte botter
knippie sout
Indien jy van baie soet hou kan jy 125 ml suiker inroer
Metode
- Verhit die kondensmelk, warmwater en volroommelk in ‘n pot op die stoof. Dit moet nie begin kook nie.
- Gooi die koekmeel en sout in ‘n bak en roer saam.
- Vryf die botter met die vingers in totdat dit die tekstuur van sand aanneem.
- Gooi die meelmengsel by die warm melk op die plaat en roer gedurig met ‘n ballonklitser of houtlepel.
- Indien dit na smaak nie soet genoeg is nie, gooi ‘n bietjie suiker by.
- Laat dit prut vir 15 minute terwyl dit deurentyd geroer word.
