Wêreldwyd se Wêreldgids skep ’n suksesvolle netwerk om Suid-Afrikaners in die buiteland met mekaar in aanraking te bring sodat jy Suid-Afrikaanse ondernemings in jou omgewing kan ondersteun. Wêreldwyd kies elke week een onderneming in die Wêreldgids om in die Kollig te verskyn. Vandeesweek se onderneming in die kollig is Ntaba Coffee Haus in die Verenigde State van Amerika.
Direk van Afrika na Louisville
Ntaba Coffee Haus het begin toe eienaar Robin Mountain besoek afgelê het by koffieplase in Ethiopië. Nadat hy die plase gesien het, die mense ontmoet het wat die koffie oes en die beste koffie van die grond tot in die koppie ervaar het, het hy besef dat hy ’n manier wil vind om Afrika se eersteklas koffie in Amerika te kry. ’n Jaar nadat hy sy eerste sakkie groen bone bestel het, was Robin gereed om die volgende stap te neem en ’n fisiese plek oop te maak wat gelei het tot Ntaba Coffee House se ontstaan.
Vandag bied ons aan ons kliënte organiese, varsgeroosterde koffie wat deur billike handel van die beste plase in Afrika aangekoop word. Robin se ander onderneming, Ntaba African Safaris, sorg dat hy steeds tyd kry om Afrika te besoek en die plase te sien waar ons koffie vandaan kom. Ons Suid-Afrikaanse en Duitse herkoms word in die soet en sout lekkernye wat ons aanbied, weerspieël.
Kontak Ntaba Coffee Haus
Telefoon: +1 502-871-5082
E-pos: howzit@ntabacoffeehaus.com
Klik hier om Ntaba Coffee Haus op Facebook te besoek.
Klik hier om Ntaba Coffee Haus op Wêreldwyd se Wêreldgids te besoek.
