Hiermee die nuutste AfriForum Wêreldwyd Kollig. Die nuusbrief bevat inligting oor allerlei interessante sake, maar ook noodsaaklike kwessies vir Suid-Afrikaanse burgers in die buiteland. Stuur hierdie nuusbrief gerus aan. Enigiemand kan gratis daarop inteken.
Hier is die gewildste artikels:
Vergrootglas op ekspat-depressie
Die belangrikheid van goeie geestesgesondheid is ’n onderwerp wat wêreldwyd meer en meer aandag kry – en ook verdien. Die stigmas oor toestande soos depressie en angsversteurings, asook die behandeling daarvan, is beslis nog nie iets van die verlede nie, maar daar is deesdae meer begrip daarvoor en dit is iets waaroor mense meer geredelik praat.
Hoe emigrasie na Engeland ons ’n meer volhoubare leefstyl geleer het
Binne net ’n paar maande het ons gegaan van twee karre, ’n woonstel met ingeboude kaste en rakke vol klere, ’n kombuis met agt van alles en elke toestel waarvan jy kan droom na drie tasse en ’n 70 m²-eenslaapkamerwoonstel in Londen – die begin van ons avontuur om volhoubaar te leef!
Kultuuretiket waarvan jy bewus moet wees as jy reis
Dit is altyd goed om ingelig te wees oor ander lande se kultuuretiket en dit te verstaan, hetsy jy iewers heen reis om vakansie te gaan hou of vir besigheid. Hoe anders gaan jy weet wanneer jy in Sub-Sahara Afrika kom dat iemand groet wanneer hulle voor jou spoeg, of dat jy nooit jou skoensole sigbaar moet maak in Arabiese lande nie?