Leesvordering:

AfriForum verklaar dispuut met MultiChoice oor dubbele standaarde

Mei 30, 2019

Die burgerregte-organisasie AfriForum het vandag ’n dispuut met MultiChoice verklaar na aanleiding van die inkonsekwente toepassing van dié televisiemaatskappy se politieke beleid. Dít volg nadat MultiChoice aangekondig het dat hulle beleid is om nie blootstelling te gee aan persone wat verdelende uitsprake maak nie, maar hierdie beleid word slegs met betrekking tot een individu toegepas.

Waar MultiChoice onlangs aangekondig het dat hulle sensuur met betrekking tot die kunstenaar Steve Hofmeyr gaan toepas deur geen beeldmateriaal van hom te publiseer nie, word geen stappe gedoen teen ander kunstenaars wat aktief geweld en rassehaat teen minderhede op sosiale media aanmoedig nie. AfriForum eis ook dat MultiChoice alle borgskappe aan organisasies en partye – insluitend die ANC – wie se verteenwoordigers verdelende uitsprake maak, summier staak.

Die kunstenaar Ntsiki Mazwai publiseer gereeld rassistiese en aanhitsende kommentaar teenoor minderhede op sosiale media, maar is onlangs as aanbieder van die kletsprogram Show me Loveaangestel, wat op Moja Love (kanaal 157 op DSTV) uitgesaai word.

  • Op 6 November 2017 het Mazwai getwiet: “With all the whites assaulting blacks..does it make it fairground to go on a white beating spree? Beat them bonke man, woman or child?” (sic).
  • Op 18 Februarie 2018 het Mazwai getwiet: “There is no such thing as White Excellence…only thing whites are excellent at is stealing and copying” (sic)
  • Op 1 Februarie 2019 het Mazwai na aanleiding van die tragiese insident waar kinders van Hoërskool Driehoek weens die ineenstorting van ’n brug gesterf het, getwiet: “guys it’s an afriforum school….” (sic).
  • Op 20 Maart 2019 het Mazwai getwiet: “When you learn the history of Afrika…….and it’s indigenous people. The people who actually BELONG here . You know In other African countries whites were escorted to the their ships. One day that’s gonna happen here too” (sic)
  • Later dieselfde dag, op 20 Maart 2019 het Mazwai getwiet: “Don’t ever forget: WHITES LIE!!!!” (sic)

Ernst Roets, adjunk uitvoerende hoof van AfriForum, sê dat MultiChoice die volste reg het om ’n politieke beleid te volg, maar dat kliënte ook die reg het om in daardie geval daarop aan te dring dat dit konsekwent toegepas word.

“As Hofmeyr van alle platforms verbied word omdat sy uitsprake verdelend is, maar mense soos Mazwai word beloon deur hulle as aanbieders aan te stel, dui dit daarop dat MultiChoice nie werklik eenheid nastreef nie, maar bloot dubbele standaarde bedryf.”

Roets sê verder dat die konsekwente toepassing van MultiChoice se beleid daarop sou neerkom dat die maatskappy by geen verdere borgskappe van politieke partye wat verdelende uitsprake maak, betrokke sal wees nie. Dit sluit die ANC in. In hierdie verband verwys Roets na adjunkpresident David Mabuza se dreigement dat daar ’n gewelddadige oorname gaan wees as wit mense nie uit vrye keuse hul eiendom aan swart mense oorhandig nie, en die ANC-sekretaris-generaal, Ace Magashule, se bewering dat wit mense die afstammelinge van koloniste is wat “ons” (swart mense) se rykdom gesteel het.

AfriForum het daarom ’n dispuut met MultiChoice verklaar en eis ingevolge die dispuut dat die maatskappy se politieke beleid óf hersien óf konsekwent toegepas moet word.

Joe Heshu, MultiChoice se uitvoerende hoof van korporatiewe sake, het in ’n verklaring gesê dat MultiChoice verbind is tot die bou van ’n nierassige samelewing en enige handelinge van diskriminasie ten sterkste veroordeel.

“Dit blyk uit hul eie optrede dat dit gewis nie die geval is nie en dat MultiChoice slegs beoog om sensuur met inkonsekwente optrede toe te pas,” sê Roets.

MultiChoice borg gereeld byeenkomste van die ANC se Progressive Business Forum en het ook in Februarie vanjaar die EFF se galadinee geborg.

AfriForum moedig lede van die publiek aan om hul stemme tot die dispuut met MultiChoice te voeg deur die webblad www.multichoicedispuut.co.za te besoek.

Kyk die video hier:

Meer oor die outeur

AfriForum Wêreldwyd

Soek

Volg ons op

Moet lees artikels

Maroela Media: Nuushooftrekke van die week

Maroela Media: Nuushooftrekke van die week

Deur Suné van Heerden Maroela Media is ’n Afrikaanse internetkuierplek waar jy alles kan lees oor dit wat in jou wêreld saak maak – of jy nou in Suid-Afrika bly, of iewers anders woon en deel van die Afrikaanse Maroela Media-gemeenskap wil wees....

Onderneming in die Kollig: Diamond Tree Jewellery Studio

Onderneming in die Kollig: Diamond Tree Jewellery Studio

Hierdie week se kollig is op Diamond Tree Jewellery Studio in Rockingham, Wes-Australië. Diamond Tree Jewellery Studio is gratis op Wêreldwyd se Wêreldgids gelys. AfriForum Wêreldwyd se Wêreldgids is waar Suid-Afrikaanse ondernemings van regoor die wêreld bymekaarkom...

Op Wêreldboekedag eis AfriForum meer skoolbiblioteke

Op Wêreldboekedag eis AfriForum meer skoolbiblioteke

Deur Alana Bailey Jaarliks word Wêreldboekedag op 23 April, die sterfdag van onder andere skrywers Miguel de Cervantes en William Shakespeare gevier. Op hierdie dag wanneer die sleutelrol van boeke in die ontwikkeling van mense opnuut in die kollig kom, eis AfriForum...

AfriForum TV

Nuusbrief

Kontak ons

Maak 'n donasie

Jeugblad

Jy sal ook dalk hiervan hou…

Teken in op die Kollig-nuusbrief en bly betrokke

Nuusbrief/Newsletter

Jy het suksesvol ingeteken!

Pin It on Pinterest