Leesvordering:

AfriForum verskyn in hof oor onteiening sonder vergoeding

Sep 16, 2020

AfriForum se hofaansoek teen die parlementêre grondwethersieningskomitee oor die proses wat gevolg is om ondersoek in te stel na ’n moontlike wysiging van die Grondwet, om die deur vir onteiening sonder vergoeding oop te maak, is vandag in die Wes-Kaapse hooggeregshof aangehoor.

Die saak handel oor ’n hofaansoek wat AfriForum reeds in 2018 gebring het oor die proses wat die parlementêre grondwethersieningskomitee begin het om die publiek se insette te kry oor die wysiging van Artikel 25 van die Grondwet (die eiendomsregklousule). AfriForum het in 2018 aangevoer dat hierdie saak op ’n dringende basis hanteer moet word. In daardie stadium het die hof egter beslis dat dit nie ’n dringende saak is nie en is deel A van die aansoek van die hand gewys. Deel B, wat oor die meriete van die saak handel, is vandeesweek aangehoor.

AfriForum voer aan dat die proses verskeie prosedurele gebreke gehad het, wat tot gevolg het dat die proses as ’t ware ongrondwetlik en nietig verklaar behoort te word. Van die belangrikste prosedurele gebreke sluit in dat daar in 2018 ’n proses gevolg is waarvolgens die publiek mondelingse en skriftelike voorleggings kon lewer oor die wysiging van Artikel 25 van die Grondwet. Die oorgrote meerderheid van die publiek se insette was dat die Grondwet nie gewysig moet word nie. Die hersieningskomitee het egter sy funksie om hierdie insette te verreken aan ’n buiteparty uitgekontrakteer, wat bykans 200 000 skriftelike insette verwerp het om ’n aanbeveling te regverdig dat die Grondwet inderdaad gewysig moet word.

“Hierdie proses is ooglopend gebrekkig en kan dus nie as ’n wettige proses beskou word nie. Onteiening sonder vergoeding is ’n beleid wat almal in die land sal raak, ongeag hulle ras of ekonomiese status. Dis vir ons duidelik dat die parlement hier bloot die idee van onteiening sonder vergoeding probeer deurstoomroller ten spyte van die feit dat sy eie proses om die publiek se insette te kry daarop dui dat die publiek nie saamstem dat die Grondwet gewysig moet word nie,” sê Ernst Roets, AfriForum se hoof van Beleid en Aksie.

“Veral in hierdie ekonomiese omstandighede wat ons tans ervaar, moet ons versigtig wees vir vernietigende beleide wat met eiendomsreg peuter, soos onteiening sonder vergoeding,” sluit Roets af.

 

Meer oor die outeur

Wêreldwyd

Soek

Volg ons op

Moet lees artikels

Laat jou taal leef – selfs al is jy in die buiteland

Laat jou taal leef – selfs al is jy in die buiteland

As jy in die buiteland woon en werk is dit maklik om van jou moedertaal verwyderd te raak. Selfs al slaag hulle daarin om steeds genoeg Afrikaans te kan praat, het baie Suid-Afrikaners in die buiteland steeds ’n behoefte om hulle taal lewendig te hou. Hoe kan jy...

Natuurhoekie – Olifantkalfie by die Shingwedzirivier

Natuurhoekie – Olifantkalfie by die Shingwedzirivier

’n Olifantkalfie geniet ’n modderbad in die Shingwedzirivier in die Krugerwildtuin, en wys vir sy ma dat hy dié tegniek soortvan bemeester het. Olifante kommunikeer op vele wyses, insluitend met geluide van ’n baie lae frekwensie – selfs soms te laag vir die menslike...

Maroela Media: Nuushooftrekke van die week.

Maroela Media: Nuushooftrekke van die week.

Maroela Media is ʼn Afrikaanse internetkuierplek waar jy alles kan lees oor dit wat in jou wêreld saak maak – of jy nou in Suid-Afrika bly, of iewers anders woon en deel van die Afrikaanse Maroela-gemeenskap wil wees. Afrikaanssprekendes ‘huiwerig’ om inenting te kry...

Nuusbrief

Kontak ons

Maak 'n donasie

Wêreldwyd vriende

Jy sal ook dalk hiervan hou…

Teken in op die Kollig-nuusbrief en bly betrokke

Jy het suksesvol ingeteken!

Pin It on Pinterest