Liewe vriendin in die buiteland,
Ek weet dit kan nie altyd maklik wees om in ‘n ander land te bly nie, veral waar mense nie noodwendig jou taal praat of jou kultuur en grappies verstaan nie. Ek wil vandag vir jou sê dat jy wel nie alleen is nie.
Ek wil jou uitnooi na die Beeldskoon-familie. Die Beeldskoon Podcast is ‘n platform waar vrouens hulle stories deel, die paaie waarop hulle gestuur word asook die lesse wat hulle geleer het. Ek glo dat ons bemoedig kan word deur na ander se stories te luister en dan besef ons dat ons nie alleen is nie. Daar is wel iemand anders daar buite wat iets soortgelyks deur gegaan het en dat sy aan die ander kant weer uitgekom het. Ons stories bemoedig mekaar, dit vertel iets van ons menswees en dat ons soms deur donker valleie moet loop sodat ons die berg kan uitklim en die mooiste uitsig kan sien op die einde van die dag.
Beeldskoon Podcast is gegrond op geloof en genade van Bo en dit is so lekker om te kan gesels in ons eie taal oor ons menswees en alles van vrouwees. Ek wil jou uitnooi om na die weeklikse episodes te luister en ‘n stukkie van jou huis te ervaar terwyl jy in die verte is.
Jy, liewe vriendin is beeldskoon!
Liefde
Izelle
Gaan luister gerus na die episodes hier:
Spotify: https://open.spotify.com/show/36rC52FZH658v1Og6zLvTs?si=heUwTaTWTdCuCcKP4Vlkww
Soundcloud: https://soundcloud.com/beeldskoon
Apple Podcasts: https://podcasts.apple.com/za/podcast/beeldskoon/id1496148470
Gesels saam op Sosiale Media:
Instagram: https://www.instagram.com/beeldskoon_podcast/?hl=en
Faccebook: https://www.facebook.com/beeldskoonpodcast/
