Leesvordering:

Gratis virtuele musiek- en woordkunsvertoning oor die Psalms gaan inspireer

Aug 18, 2020

Die teoloog, skrywer en geloofsbegeleier, Dr. Ronell Bezuidenhout bied eerskomende Sondagaand, 23 Augustus 2020 om 19h00 ‘n virtuele musiek- en woordkunsvertoning oor die Psalms in samewerking met die bekroonde sanger, liedjie-skrywer, kabertkunstenaar en kunste-entrepreneur Petronel Baard.

Die vertoning volg nadat Petronel pas ses toonsettings en verwerkings van die Psalms opgeneem en op video vrygestel het.  Die toonsettings is gedoen as deel van Ronell se reeks AlPsalmend, wat bestaan uit 40 dae se mediatiewe dagstukkies, asook ‘n vier weke kursus oor die Psalms.

Petronel het ‘n uitsoekversameling van die Psalm-toonsettings gekies en Ronell het daarna gedigte oor die spesifieke Psalms geskryf wat hulle in ‘n kubervertoning verpak het.

“Generasies heen dink mense oor die Psalms.  Maar dit kan nie net by dink bly nie, want ons moet onthou die Psalms is liedere wat gesing moet word  –  en hoe mooi is dit nie om dit saam met iemand te doen wat die gawe het om dit te toonset nie?  Dit is waarom ek dit saam met Petronel wou doen.Die Psalms is terugskouende geskryf en gesing dat mense kan onthou wat God gedoen het, sodat hulle daarom kan aanhou hoop op wat God gaan doen. Die Psalms is ons geheue,” vertel Ronell.

 

Ronell se gedigte in die vertoning is geïnspireer uit die daaglikse oordenkings wat sy vir die 40-dae reeks geskryf het.  Die reeks bestaan uit 40 daaglikse WhatsApp boodskappe oor die Psalms. Dit word aangevul met musiek-speellyste, daaglikse webwerf- en sosiale media-plasings en ook ‘n vier weke indiepte-kursus oor die Psalms.

 

Die reeks loop vandeesweek tot ‘n einde en dan begin ‘n nuwe reeks “Helende Hoop” oftewel “Hoop wat Heelmaak”.

 

Volgens Petronel is die Psalms ‘n uitdrukking van emosie, en dit is presies wat musiek ook is.  “Elke Psalm het op ‘n manier vir my ‘gesing’ hoe die Psalm wou klink in ‘n toonsetting.  Ook interessant is dat die Psalms weekliks die kleur weerspieël het van die sosiale omstandighede wat ons beleef het,” voeg Petronel by.

 

Petronel en Ronell stel die vertoning Sondagaand, 23 Augustus 2020 om 19h00 gratis op hulle Facebook blaaie vry, maar sal geleentheid vir donasies bied.

 

 

 

Kyk gerus na die video waar Petronel en Ronell oor hulle samewerking en reis “Al Psalmend” op pad na  die kubertvertoning gesels.

https://www.facebook.com/1313944325327919/posts/3156791544376512/

 

Besoek www.petronelbaard.com vir meer inligting.

 

SOSIALE MEDIA SKAKELS

Facebook: https://www.facebook.com/petronelbaardofficial/

Twitter: @PetronelBaard

Instagram: @petronelbaardmusic

Webblad: www.petronelbaard.com

YouTube: https://www.youtube.com/channel/UCKZN7LSwYxmt1wK9I6PgXBA

SoundCloud:  https://soundcloud.com/petronel-baard

 

Meer oor die outeur

Wêreldwyd

Soek

Volg ons op

Moet lees artikels

Jy ken jou wêreld, maar nou wil Wêreldwyd jou leer ken

Jy ken jou wêreld, maar nou wil Wêreldwyd jou leer ken

Neem deel en WEN! Wêreldwyd, ’n inisiatief van die burgerregteorganisasie AfriForum, bied reeds die afgelope agt jaar ’n aanlyn tuiste vir Suid-Afrikaners wat hulself in die buiteland gevestig het. Dit is die ideale platform vir elke Suid-Afrikaner wat tans in die...

Wêreldgids in fokus – Nieu-Seeland

Wêreldgids in fokus – Nieu-Seeland

Foto: Esmarie Yssel Om in ’n nuwe land aan te pas, is ’n uitdaging. Wêreldwyd is hier om te help. Die beste manier om te verseker dat jy die beste jy kan wees in ’n nuwe omgewing is deur ’n netwerk te bou. Netwerke is nie net vir mense wat met ander wil sake doen nie;...

Nuusbrief

Kontak ons

Maak 'n donasie

Wêreldwyd vriende

Jy sal ook dalk hiervan hou…

Pin It on Pinterest