Deur Jeannie van Zyl
Ek en Kieran neem op 17 Desember deel aan ons kerk se Kerskonsert. Ons voer The birth of Jesus Christ op saam met ander vrywilligers in ons gemeente. Ons nooi almal in ons gemeenskap. Dit is gratis om by te woon en ons voorsien aandete vir almal wat RSVP. Dit was vanjaar op een van ons medelidmate se hart, so dit is iets spesiaal en nuut vir ons. Klik hier vir meer inligting.
Hillsong Kerk hou jaarliks ’n groot “Christmas Spectacular” en dit is vanjaar van 17 tot 18 Desember. Klik hier vir meer inligting.
In Sydney is daar ontsaglik baie feestelikhede, konserte, markte, liggies en dies meer, maar dis hoofsaaklik sekulêr van aard. Die enigste werklike Christelike element wat City of Sydney (die paar voorstede rondom Sydney CBD se munisipaliteit) aanbied as deel van Sydney Christmas, is die Nativity Scene buite die St Mary’s Katedraal. Daar is entoesiaste met groot liggievertonings regoor die grote stad – ’n mens kan jaarliks kaarte met hoogtepunte vind, bv.: https://www.ellaslist.com.au/articles/where-to-see-christmas-lights-in-the-suburbs.
Laastens sien ons uit na twee geleenthede in Desember waar ons ander Suid-Afrikaanse mense gaan sien:
- Roseville Gemeente hou hul kwartaallikse Afrikaanse Uitreikdiens met ’n Kersfeestema en braai op 11 Desember: https://www.facebook.com/RosePresChurch.
- African Delights se Suid-Afrikaanse Kersmark vind op 4 Desember plaas: https://www.facebook.com/events/5575259552563641/.
Is daar enige feestelikhede, konserte of markte in jou omgewing? Laat weet ons by wereldwyd@afriforum.co.za.