Hiermee die nuutste Wêreldwyd Kollig. Die nuusbrief bevat inligting oor allerlei interessante sake, maar ook noodsaaklike kwessies vir Suid-Afrikaanse burgers in die buiteland. Stuur hierdie nuusbrief gerus aan. Enigiemand kan gratis daarop inteken.
Hier is die gewildste artikels:
Die vyf algemeenste foute wat mense maak as hulle trek
Ná 18 jaar as ’n globale rondtrekker waarvan ons al 13 jaar lank mense bystaan met hul verhuisingsproses, het ons gesien dat mense gereeld dieselfde foute maak. Dit kan jou op die korte en lange duur onnodig geld kos en ook ’n negatiewe invloed op jou emosionele welstand hê. Hier is ’n paar algemene foute waaruit jy kan leer.
Kom ons reis na Suid-Afrika. Wat moet jy weet?
Die laaste twee jaar het lank gevoel vir dié wat terugverlang huis toe. Daar is natuurlik jou mense wat jy wil sien. En dan mis ’n mens natuurlik ook die reuk van ’n tjoppie op die vuur, of potjiekos wat borrel op die kole. ’n Mens mis Suid-Afrikaners se sin vir humor en daardie lekkerte om jou eie taal in jou ore te hoor. Noudat die reismaatreëls weer verslap het, kan jy begin uitsien na ’n Suid-Afrikaanse vakansie. Hier is ’n paar wenke wat jou kan help met jou reëlings.
Afrikaanse ondernemings in buiteland vereer
Afrikaans kook letterlik én figuurlik in die buiteland en ondernemings hier se passie vir enigiets Afrikaans is vanjaar vir die eerste keer as deel van AfriForum Sakenetwerk se jaarlikse Tinteltong Toekennings vereer.
LEES OOK: Kollig Nuusbrief: 17 Februarie 2022