Hiermee die nuutste AfriForum Wêreldwyd Kollig. Die nuusbrief bevat inligting oor allerlei interessante sake, maar ook noodsaaklike kwessies vir Suid-Afrikaanse burgers in die buiteland. Stuur hierdie nuusbrief gerus aan. Enigiemand kan gratis daarop inteken.
Hier is die gewildste artikels:
Emigrasie: Help jou kinders só om aan te pas
Kate Berger, kindersielkundige, sê kommunikasie is die hoeksteen van enige gesin wat in ’n nuwe omgewing moet aanpas. Dit beteken dat jy met jou kinders sal moet gesels oor wat hul vrese is en waarna hulle uitsien. Dit beteken ook dat jy voor die skuif al moeilike gesprekke oor die realiteite van die trek moet hê.
Hoe om ’n skool in Australië te kies: Wenke deur ’n kenner
Vandag se onderwerp is veral belangrik – hoe om ’n skool te kies. Dit is iets waaroor ek baie entoesiasties is, en ek weet vir baie ouers is dit een van hul grootste bekommernisse as hulle internasionaal verhuis: die kinders!
- Hoe gaan my kinders hul plek vind in Australië?
- Wat is die Australiese kurrikulum?
- Hoe vergelyk die Australiese skole met ons s’n?
Dubbelbelastingooreenkomste / Bilaterale verligting
’n Dubbelbelastingooreenkoms is ’n ooreenkoms wat tussen twee lande aangegaan word waarin hulle ooreenkom op die wyse waarop verskillende soorte inkomste en kapitaalwinste belas word. Die hoofdoel van die ooreenkoms is om dubbele belasting te verhoed, met ander woorde, dat dieselfde bedrag nie in albei lande belas word nie.
