AfriForum Wêreldwyd gaan ’n kuiergeleentheid aanbied vir ouers en grootouers met kinders of kleinkinders in die buiteland.
Het jou geliefdes geëmigreer, of beplan hulle om te gaan? Voel jy onseker hoe om die stap te hanteer en wil jy net bietjie op iemand se skouer huil wat verstaan?
Ons besef wanneer jou geliefdes besluit om die land permanent te verlaat, moet jy meteens ’n hele paar uitdagings trotseer. Hierdie sal die ideale geleentheid wees om ’n waardevolle ondersteuningsbasis op te bou vir daardie dae wat die verlange te veel raak.
- Hoe moet ek hul emigrasie benader?
- Hoe kan ek betrokke bly as hulle in ’n ander land woon?
- Hoe raak ek vertroud met hulle nuwe werklikheid?
- Wat kan ek doen om my verlange te hanteer?
- Moet ek oorweeg om alles prys te gee om by hulle te gaan woon?
Hierdie is van die vrae wat kundiges sal help beantwoord tydens die kuier en jy sal ook jou wenke en ander vrae kan deel met ouers en grootouers wat die realiteit van emigrasie verstaan.
Ons beplan om die gratis kuieroggend op 7 Desember 2023 te hou. Vul asseblief die onderstaande vorm in, indien jy belangstel om die geleentheid by te woon. Meer inligting volg binnekort.
"*" indicates required fields
