Verlede week maak ons toe ’n draai by die Westminster-paleis oftewel Houses of Parliament, waar die Britse politici werk en vergader. Sekerlik een van die bekendste sienswaardighede van dié pragtige ou gebou is Big Ben, wat natuurlik nie die horlosie is nie, maar die horlosieklok. Hulle is juis besig om vir ou Ben ’n “ontrimpeling” te gee.

Wat veral vir my baie interessant was, is een van die redes waarom jy as lid van die House of Lords verkies kan word. Naamlik deur ’n deskundige op ’n sekere gebied te wees.

Ek dink byvoorbeeld onmiddellik aan iemand soos Lord Sebastian Coe wat in 2000 die titel as Lord gekry het. Wie beter om oor sportaangeleenthede te praat as ’n voormalige wêreldrekordhouer in die 800 m met goue Olimpiese medaljes in die 1 500 m.

Nou wat daarvan?

Daar is steeds te min praktiese insette van entrepreneurs ten einde goeie besluitneming op politieke vlak te bevorder en nóg erger wanneer dit by besigheidsopleiding kom.

Te veel dosente met akademiese grondslagte wat toekomstige besigheidleiers met teoretiese inligting voer. Hierdie probleem begin egter op politiese vlak in Suid-Afrika waar die inhoud van dié kursusse bepaal word, so ek gaan nie te hard op die besigheidsproffies wees nie.

So wat nou?

Ek is besig om ’n nuwe, internasionaal erkende besigheidskursus en internskapprogram te finaliseer met praktiese en beproefde besigheidsadvies as grondslag. Hou hierdie spasie dop!

Ek laat jou met my weergawe van ’n Ingelse sêding: “Moenie doen wat ek sê nie; doen wat ek doen…”

  • My jongste digiTydskrifuitgawe het korporatiewe besigheid ikoon en Afrikaner-gentleman, Brand Pretorius, op die voorblad: Klik hier vir meer inligting.

Hierdie artikel is ook beskikbaar in: English

Pin It on Pinterest