“Ses dae moet jy werk en alles doen wat jy moet, maar die sewende dag is die sabbat van die Here jou God. Dan mag jy geen werk doen nie.”
Dié woorde uit die wet van God, soos opgeteken in Eksodus 20, is baie bekend aan Christene. Hoewel dié gebod vereis dat ’n mens nie op die Sabbat mag werk nie, bevat dit ook ’n belangrike opdrag aan die gelowige, naamlik om wel ses dae lank te werk. In Die Christen en sy werk: Etiese aspekte in die werkplek (onder redaksie van Wikus Buys en Paul Maritz) ondersoek 15 verskillende skrywers uit uiteenlopende agtergronde en beroepe die kwessie van werk en watter lesse daaroor uit die Bybel geput kan word.
Oordink gelowiges regtig wat “werk” binne ’n geloofskonteks beteken? Wat is die verband tussen werk en identiteit? Watter riglyne bied die Bybel ten opsigte van rus, mededinging in die werkplek en werkverslawing? Die Christen en sy werk: Etiese aspekte in die werkplek ondersoek die besondere band wat tussen die Christen en sy werk bestaan op beide filosofiese en praktiese vlak.
Medewerkers sluit onder andere in Flip Buys, Dirk Hermann, Hannes Noëth, Marisa Engelbrecht, Victor d’Assonville, Henk Stoker en Michael Heyns. Die Christen en sy werk: Etiese aspekte in die werkplek is nou beskikbaar by Kraal Uitgewers teen slegs R190. Besoek Kraal se veilige aanlyn winkel vir meer inligting.
LEES OOK: Die Eerste Vryheidsoorlog, 1880-1881 deur Jackie Grobler