Brighten Accountants bied topgehaltediens aan kliënte regoor Australië, deur van innoverende wolktegnologie gebruik te maak om met toewyding die beste rekeningkundige en belastingoplossings aan elke kliënt te bied. Ons kliënte bestaan uit individue, vennootskappe, trusts, maatskappye en selfbestuurde superfondse uit die konstruksie-, gesondheids-, ambags-, myn-, landbou-, eiendomsbeleggings- en konsultasiebedryf.
Brighten Accountants is deur Tascha Breytenbach op die been gebring. Sy het haar Baccalaureus in Rekeningkunde aan die Universiteit van Pretoria in Suid-Afrika verwerf en haar honneurs aan Unisa (die Universiteit van Suid-Afrika) voltooi.
Nadat sy in 2016 na Australië verhuis het, het sy aan die University of the Sunshine Coast gestudeer om as ’n belastingagent in Australië te kan registreer. Sy het ook vir drie jaar by verskeie plaaslike boekhoupraktyke aan die Sunshine Coast gewerk. In 2019 het sy haar eie praktyk, Brighten Accountants, begin.
Brighten Accountants is gratis op Wêreldwyd se Wêreldgids gelys. Dié gids stel ander Afrikaners in staat om Suid-Afrikaanse ondernemings in die buiteland te ondersteun.
Die Wêreldgids is waar Suid-Afrikaanse ondernemings van regoor die wêreld bymekaarkom om ’n gemeenskap te vorm. Tans beskik die Wêreldgids oor meer as 1 000 ondernemings, van Afrikaanse dokters in Nieu-Seeland tot biltongwinkels in Londen.
Netwerke is meer as net ondernemings; dit is ook ’n waardevolle wyse om ’n ondersteuningsbasis te bou vir daardie dae wanneer die verlange na ’n goeie Suid-Afrikaanse wyn, kuier om ’n braaivleisvuur en die onmisbare Afrikaner-gasvryheid te veel raak.
Kontak Brighten Accountants:
E-pos: tascha@brightenaccountants.com.au
Klik hier om Brighten Accountants se Facebook-blad te besoek.
Klik hier vir Brighten Accountans op Wêreldwyd se Wêreldgids.
LEES OOK: Onderneming in die Kollig: Herklink