In hierdie week se Wêreldgids in Fokus, kyk ons bietjie na Suid-Afrikaners se gastehuise, Airbnb’s en lodges in die buiteland.
Dink jy jou onderneming verdien dit om in die kollig te wees? Gryp vandag nog die geleentheid aan en word deel van ons AfriForum Wêreldwyd-netwerk. Op AfriForum Wêreldwyd se Wêreldgids word jy nie net deel van ’n sakenetwerk nie; dit is ook ’n waardevolle manier om ’n ondersteuningsbasis op te bou vir daardie dae wanneer die verlange te veel raak en al jou mense net te ver weg is.
Ons fokus hierdie maand op Suid-Afrikaners wat gasvryheidsondernemings het in die buiteland wat julle kan ondersteun.
Sakatia Lodge, Madagaskar
Hoe jy jou vakansie wil deurbring, hang van jouself af. Of jy dus wil afskakel van jou normale roetine en net wil ontspan, en of jy iets van die uniekheid van Madagaskar wil beleef, ons kan help. Sakatia Lodge is die perfekte tuiste vanwaar jy jou ontdekkingsreis kan begin of heerlik kan ontspan. Ons is ’n klein familie-lodge/duiksentrum op ’n afgeleë eiland naby Nose Be, Madagaskar, genaamd Nosy Sakatia. Lees meer.
Tarawera River Lodge
Geniet luukse verblyf langs die Tarawera-rivier. Slaap op koningrootte beddens met gehaltematrasse vir jou gerief. Daar is nege eenhede beskikbaar. Pragtige parke in die dorp en gratis warm poele drie minute van jou kamer af. Geniet die winter ten volle. Lees meer.
Alpenrose Hotel and Gardens
Geleë in die Switserse dorpie Wilderswil, ’n klipgooi vanaf die treinstasie. Jy sal ’n verskeidenheid buitelugaktiwiteite hier vind. Lees meer.
The Newt in Somerset
’n Operasionele plattelandse landgoed waar alles wat verwant is aan Somerset gevier word – met ’n luukse hotel, tuine, woudarea, landbougrond, boorde en ’n appelpers. Lees meer.
Het jy ’n gastehuis, Airbnb of lodge in die buiteland of het jy by een gebly wat deur Suid-Afrikaners bestuur/besit is?
