Leesvordering:

AfriForum bring appèlaansoek om te verhoed dat bestuurslisensiekaarte elke vyf jaar verval

Des 5, 2023

Die burgerregteorganisasie AfriForum het in die Hooggeregshof in Pretoria aansoek gedoen om verlof tot appèl teen die uitspraak dat die geldigheidstydperk van bestuurslisensiekaarte nie hersien moet word nie. AfriForum poog hierdeur om te verhoed dat padgebruikers beboet word wat nie betyds hernude bestuurslisensiekaarte kon bekom nie.

Waarnemende regter JJ Strijdom het op 30 Oktober AfriForum se aanvanklike hersieningsaansoek van die hand gewys. Die uitspraak het gestel dat daar binne 180 dae nadat die aanvanklike regulasie rondom die geldigheidstydperk van bestuurslisensiekaarte uitgevaardig is, ’n hersieningsaansoek gebring moes word. AfriForum se regspan voer egter in hul appèlaansoek aan dat daar voldoende meriete is om tans wel ’n hersieningsaansoek te bring, omdat die tersaaklike regulasie nie strook met die Nasionale Padverkeerswet en die Grondwet nie.

Volgens Louis Boshoff, veldtogbeampte by AfriForum, wil die Departement van Vervoer regulasies afdwing wat in baie gevalle nie moontlik is om na te kom nie. AfriForum het verskeie klagtes ontvang van individue wat nie betyds hul hernude bestuurslisensiekaarte van die Departement van Vervoer ontvang nie. Dit lei daartoe dat hulle beboet word ten spyte van elke poging om wettig gelisensieer te bly. Dié departement se lisensiekaartdrukker het die afgelope paar jaar dikwels onklaar geraak en dit is duidelik dat lisensies steeds vinniger verval as wat nuwes gedruk word.

“Suid-Afrikaanse padgebruikers weet hoe dit voel om as gevolg van ’n gebreekte drukker beboet te word,” verduidelik Boshoff. “As die Departement van Vervoer nie bestuurslisensiekaarte kan druk nie, moet hulle ook nie boetes vir vervalde bestuurslisensiekaarte druk nie – die onreg is ooglopend.”

Meer oor die outeur

AfriForum Wêreldwyd

Soek

Volg ons op

Moet lees artikels

Onderneming in die Kollig: AanTafelThuis

Onderneming in die Kollig: AanTafelThuis

Hierdie week se kollig is op AanTafelThuis. AanTafelThuis is gratis op Wêreldwyd se Wêreldgids gelys. AfriForum Wêreldwyd se Wêreldgids is waar Suid-Afrikaanse ondernemings van regoor die wêreld bymekaarkom om ’n gemeenskap te vorm. Op dié manier...

Maroela Media: Nuushooftrekke van die week

Maroela Media: Nuushooftrekke van die week

Deur Suné van Heerden Maroela Media is ’n Afrikaanse internetkuierplek waar jy alles kan lees oor dit wat in jou wêreld saak maak – of jy nou in Suid-Afrika bly, of iewers anders woon en deel van die Afrikaanse Maroela Media-gemeenskap wil wees....

Stemdae vir Suid-Afrikaners oorsee

Stemdae vir Suid-Afrikaners oorsee

Die stemdatums vir Suid-Afrikaners wat nie in Suid-Afrika woon nie is aangekondig! Stemdag in Suid-Afrika is op 29 Mei, en burgers buite Suid-Afrika het geleentheid om op óf 17 Mei, óf 18 Mei te kan stem, afhangend van die gasheerland se dominante godsdienstige en...

AfriForum TV

Nuusbrief

Kontak ons

Maak 'n donasie

Jeugblad

Jy sal ook dalk hiervan hou…

Teken in op die Kollig-nuusbrief en bly betrokke

Nuusbrief/Newsletter

Jy het suksesvol ingeteken!

Pin It on Pinterest