Dubai is omtrent ’n oorweldigende plek! Dis vir my letterlik soos ’n oasis in die middel van die dorre woestyn, amper asof dit nie regtig daar is nie. Die ongelooflike geboue is supermodern, maar tussenin is steeds tradisionele boustyle. Alles is die grootste en beste – van die winkelsentrums tot dansende fonteine (een van my hoogtepunte!) en hotelle.

Ek het by die Atlantis Aqua Venture Water Park weer soos ’n kind gevoel en my stem lekker hees geskreeu … Die woestynsafari met 4×4’s is natuurlik een van die beste ervarings wat mens in Dubai kan beleef. Die bestuurder was doodstil toe hy die voertuig tot sy uiterstes op die sandduine toets. Die woestyn bring jou tot stilte; mens besef eintlik net hoe klein jy is en hoe baie daar buite is.

Een ding is ook seker: Dubai het die beste lugverkoeling in die wêreld! Dit was ongelooflik warm buite, maar stap jy in ’n gebou in wil jy jou trui aantrek …

Ons vertoning by Zinc was regtig lekker. Ek kon amper nie glo dat daar soveel Afrikaanssprekendes in Dubai is nie en dat hul ons kunstenaars so ondersteun nie! Dit maak my hart so bly: Afrikaans is internasionaal. Kyk, dis lekker om ’n mens te wees, mens moet net ’n lekker mens wees … Die toergroep was LEKKER!

Dankie, Dubai! Ek sien jou weer!

Lees ook: Wêreldwyd kuier in Dubai

Hierdie artikel is ook beskikbaar in: English

Wêreldwyd admin
Wêreldwyd admin

Teken in op die Kollig-nuusbrief en bly betrokke

Jy het suksesvol ingeteken!

Pin It on Pinterest