Kolomme wierook rys uit ’n brandende pot. Hierdie foto is by die Boudhanath-stoepa in Katmandoe, Nepal geneem.
Vriendelike gesigte van Nepal
Ons is heeltemal gek oor die mense van Nepal! Hulle was so vriendelik en verwelkomend. Die kinders was baie gretig om vir ’n foto te staan. Die seun met die rooi pet het eers gehuiwer, maar toe het sy ma vir hom gesê om “Namaste” vir ons te sê en dié reaksie het gevolg. Op pad Katmandoe toe het ek ons toergids herinner dat ek steeds my foto van ’n ryswerker nodig het. Hy het hierdie bejaarde vrou langs die pad gesien en haar gevra of sy ’n probleem daarmee het dat ek ’n foto neem. Sy het geantwoord met ’n vriendelike “Nee”. Die toergids het gevra of sy kan glimlag en ek het sommer ’n wuif ook gekry! Ek is gaande oor haar hemp!
Kos op die tafel
Een van my doelwitte in Nepal was om ’n paar foto’s te neem van mense wat op die rysplantasies werk. Selfs die jongmense raak by dié familiebesigheid betrokke.
Meer oor die outeur/fotograaf:
Phillip Grobler is gedurende die skooltermyn ’n onderwyser in Oman, maar ’n reisiger en fotograaf wanneer hy ook al die geleentheid kry!
Besoek www.saffatravels.com om meer van Phillip se blogs en pragtige foto’s te sien.
