Hiermee die nuutste AfriForum Wêreldwyd Kollig. Die nuusbrief bevat inligting oor allerlei interessante sake, maar ook noodsaaklike kwessies vir Suid-Afrikaanse burgers in die buiteland. Stuur hierdie nuusbrief gerus aan. Enigiemand kan gratis daarop inteken.
Hier is die gewildste artikels:
Die drie kultuurervaringe wat jy nooit moet prysgee nie
Kultuur maak jou menswees ryker. As jy in Kanada of Nieu-Seeland woon is dit opwindend en noodsaaklik om jouself in die plaaslike kultuur te verdiep. Maar om jou eie kultuur ook te vier maak nie net jóú belewenis nie, maar ook die mense rondom jou s’n ryker. ’n Mens hoor gereeld dat diversiteit karakter bou, ’n samelewing sterker maak en die lewe sy geur gee. As jy in ’n ander land woon is dit ’n besonderse geleentheid om sowel jou kinders as die mense om jou die kans te gee om ook jou kultuur te beleef.
Hoe om makliker met kinders na Australië te verhuis
Om te verhuis, bring sonder twyfel baie spanning mee. Jy is baie senuagtig en bekommer jou oor alles en nog wat, ook oor die kinders. Maar onthou, dit is die onbekende wat jou die bangste maak. Ons wil jou graag voorberei sodat jy weet wat om te verwag.
Visumaansoeke: Gevaartekens en lokvalle
Talle agentskappe maak vals beloftes en verdwyn dan sak en pak met deposito’s, of hulle doen net die helfte van die werk wat nodig is vir ’n visum.
Suid-Afrikaners moet al meer paraat wees wanneer hulle van ’n middelman gebruik maak om veral werkvisums te bekom.
Uit en Tuis: E-pos uit Suid-Korea
Uit en Tuis is ’n rubriek waar ons met mense gesels wat tans in die buiteland woon, of wat daar gewoon en gewerk het. Hierdie week gesels ons met Maarten Muller wat in Suid-Korea woon.