Hiermee die nuutste Wêreldwyd Kollig. Die nuusbrief bevat inligting oor allerlei interessante sake, maar ook noodsaaklike kwessies vir Suid-Afrikaanse burgers in die buiteland. Stuur hierdie nuusbrief gerus aan. Enigiemand kan gratis daarop inteken.
Hier is die gewildste artikels:
’n Spraakterapeut praat oor tweetaligheid – Deel 3
Hierdie is die derde artikel in ons tweetaligheidstrilogie, geskryf deur Sumari Erasmus. Sy is ’n spraakterapeut, maar ook ’n Afrikaanse mamma in die buiteland. Sumari en haar gesin woon in Kanada. Sy het ’n doktorsgraad in spraak-taalterapie aan die Universiteit van Pretoria behaal en het ’n passie vir die behoud van Afrikaans.
Herinner my
Die Kalahari-son roep my naam, maar steeds bly ek staan in die bewolkte kombuis. Nog ’n donker bewolkte dag nes gister en die dag voor hom. ’n Verlate traan loop saggies oor my wang en ek klou stywer aan my koppie tee. Rooibos. Ek herinner myself waarom ek hier staan … hier alleen staan in ’n land vol vreemdes.
Tydsberekening beïnvloed verhuisingskoste
Hierdie artikel fokus op wanneer die beste tyd is om te verhuis na Australië, maar hierdie wenke is ook nuttig vir enigiemand wat na ’n ander land toe moet verhuis.
Die tyd wanneer jy verhuis kan koste-implikasies hê. Ons kyk na ’n paar faktore wat jy in gedagte moet hou wanneer jy jou verhuising beplan.