Hierdie skopsuil (Otus sengalensis) wat homself sit en versorg terwyl hy nou en dan roep, is by Afsaal-piekniekplek in die Nasionale Krugerwildtuin waargeneem. Skopsuile is klein, grys, naguile met treffende wit gesigte, omring deur swart rande, en prominente, lang oorklossies. Hulle oë is geel. Hulle het die grootste ooropeninge van enige soort skopsuil. Hulle grootte wissel van 19 cm. tot 24 cm. met ’n vlerkspan van 45 cm. Insekte is hulle vernaamste bron van voedsel.
Die beeldmateriaal is andermaal deur Katie en André van Two-V Productions voorsien. Hartlik dank aan hulle hiervoor! Teken asseblief in op hulle YouTube-kanaal en volg hulle Facebookblad. Boeke in hulle Op Vlerke-reeks kan van Kraal Uitgewers bestel word en is eersdaags ook weer in die winkels in ruskampe van die Nasionale Krugerwildtuin beskikbaar. Dit sluit die vierde boek in die reeks wat pas verskyn het, in.
LEES OOK: Natuurhoekie – Geliefde bosreus vind rus
