Deur Alana Bailey
Blouwildebeeste en rooibokke wei saam by Kwaggaspan in die Nasionale Krugerwildtuin.
Tien pretfeite oor blouwildebeeste:
- Hulle is nou verwant aan beeste, bokke en skape.
- Blou- en swartwildebeeste is die grootste van alle wildsbokke. Blouwildebeeste weeg rofweg 118 tot 270 kilogram.
- Beide bulle en koeie het horings, wat sowat 45 tot 78 sentimeter lank word.
- Blouwildebeesmannetjies kan só hard bulk dat die geluid tot 2 kilometer ver gehoor kan word.
- Koeie is dragtig vir agt tot agt en ’n half maande.
- Kalwers weeg ongeveer 20 tot 22 kilogram by geboorte.
- Hulle leer om binne minute na geboorte te loop.
- Kalwers word op die ouderdom van ses tot nege maande gespeen.
- Blouwildebeeste kan ongeveer 20 jaar oud word.
- Wanneer roofdiere hulle bedreig, sal blouwildebeeste beskermend saamstaan, waarskuwings bulk en selfs die roofdiere probeer wegjaag.
Terloops, nie ver van die begin van die video af nie, kan ’n mens ’n rooibokram met ’n gebreekte horing sien. Heel waarskynlik het hy die horing vroeër in ’n geveg met ’n ander ram gebreek.
Die beeldmateriaal is deur Katie en André van Two-V Productions op hulle You Tube-kanaal geplaas. Hartlike dank aan hulle vir pragtige video’s! Teken asseblief in op dié kanaal en volg hulle Facebookblad. Boeke in hulle Op Vlerke-reeks kan van AfriForum Uitgewers bestel word en is ook weer in die winkels in ruskampe van die Nasionale Krugerwildtuin beskikbaar.