Wat beplan jy om dié Kersfees te koop? In plaas van om ure in ’n winkelsentrum rond te stap op soek na die perfekte geskenk, kan jy vanjaar op www.afrikander.com topgehalte Afrikaanse geskenke koop! Of as jy juis daarvan hou om by die winkels uit te kom, kan jy die winkel by die Voortrekkermonument gaan besoek. Hier is vanjaar se topses produkte wat Afrikaans se naam hooghou:
’n Voortrekkermonument-T-hemp
’n Voortrekkermonument-T-hemp is om twee redes die perfekte geskenk vir die kleinspan of volwassenes: Dit is bruikbaar, want almal dra T-hemde. En elke hemp kom met sy eie, unieke storie, in dié geval met interessante feite oor die Voortrekkermonument. Vir ’n wyer verskeidenheid Afrikaanse T-hemde kan jy op www.republk.co.za gaan loer.
Kampbekers
As jy iemand ken wat hou van kamp of gereeld met ’n koppie koffie by die braaivleisvuur staan, kry vir hom ’n emalje- De la Rey-beker of vir haar ’n blommetjie-gedenk-aan-my-beker. Loer op www.republk.co.za vir meer opsies.
Suikerlepel
Oumas en Oupas hou van aandenkings en sal mal wees oor ’n suikerlepel wat by die Voortrekkermonument gekoop is! Met so ‘n unieke Afrikaanse lepel kan jy dié Kersfees vir iemand iets met betekenis gee sonder dat dit jou ‘n fortuin kos.
Boek oor die Groot Trek
Vir die boekwurms is dit ideaal, en dit is beskikbaar in beide Afrikaans en Engels.
DVD oor die Anglo-Boereoorlog
’n DVD oor die Anglo-Boereoorlog is sowaar iets wat jy nie in ander winkels gaan kry nie. Behalwe vir dié juweel is daar ook talle CD’s met Afrikanamusiek en kinderstories beskikbaar.
Muntestel van 1923
Bederf iemand wat van munte hou of sentimenteel is met dié reeks egte 1923-munte. Slegs R95!
Verras jou familie dié Kersfees met unieke Kersgeskenke! Jy kan ook reël dat die pakkie binne sewe werksdae direk na familie in die buiteland gestuur word.
Geseënde Kerstyd!
