Deur Ilze Nieuwoudt
Ter viering van die lewe en werk van die taalhistorikus J.C. Steyn en die bekendstelling van sy laaste boek – So is onse mense – stel AfriForum Uitgewers ’n spesiale pakket beskikbaar met drie van Steyn se boeke. Ons gaan ’n taal maak: Afrikaans sedert die Patriot-jare word beskou as die omvattende biografie van Afrikaans, terwyl Verset & opbou: Skrywers en politici vir Afrikaans ondersoek instel na individue en instellings wat die stryd vir die totstandkoming van Afrikaans gestry het en dié wat sedertdien vir die vestiging en bevordering van dié jong taal geveg het. So is onse mense bied ’n verskeidenheid “herbesoeke” waarin die leser opnuut kennis maak met Steyn se vernuf as historikus en navorser. Die J.C. Steyn-boekpakket is hier beskikbaar teen slegs R700 (bespaar R340).